سلام ختي عفاك بغيت شي نصيحة من متابعين ديالك
انا انسان عندي 32 سنة مزوج مكاملاش عام تزوجت وحد الإنسانة من العائلة زواج تقليدي
مهم مشكلتي انني عمرني تصاحبت او خرجت مع شي بنت او هضرت مع شي واحدة ف مواقع التواصل الاجتماعي بسبب الحشمة حتى من قراية مكملتهاش لسبب هذ المشكل ديال الحشمة و من كثرة الحشمة مقديتش ندخل على مراتي حتى فاتت 3 شهور وقع عندي ضعف الانتصاب بسبب التوتر مشيت طبيب الحمدلله تحل المشكل دخلت على مراتي عادي
فتحت محل ديال كسوة المشكل انني مكنقدش نهضر مع كليان يعني لبنات كنهضر بزز وبالحشمة و الهضرة كتلف ليا اما مع رجال شويا دب وقعلي مشكل تواصل مع كليان ديالي كنحشم وحد درجة كبيرة بزاااف نقدر نسمح ف حقي ومنهضرش دب مكنقدش نشوف فالبنت او نتواصل معه على قبل بيع وشراء مثلا كنبيع كسوا 80 درهم الا تشطرات معيا نقدر نبيها بأقل ثمن كنبقى نرجع والهضرة بزاز باش كتخرج من فمي وحتى ملي كنكون كالس مع صحابي هوما كيهضرو انا غي كنشوف فقط مثلا الا كنت غي انا و وحد صديق نهضر عادي ولكن يكونو 2 ولا 3 منقدرش معرفتش هذشي عقدني بزاااف دب حتى ف زتقة مكنشوفش فناس كنشوف غي ف الارض و أغلبية كنمشي و نرجع غي فطاكسي وعندي مشكا تعلثم في الكلام يعني كنهضر كلام نقولو صحيح كلام غي كنخربق فيه الحروف كيخرجو مخربقين .
المشكلة خرجت على تجارة بسبب هذ الحشمة والله كرهت راسي وكنبقى ندعي على راسي غي نموت
حاولت بزاف نتخطى هذشي ولكن بلا فائدة
نتمنى تنصحوني اش ندير عفاكم و دعيو معيا ربي يسهل لي فهذ تجارة و دعيو معيا ربي يرزقني ب ذرية صالحة حيت دب تقريبا
عام ملي تزوجت مزال ما جاب الله ولاد