لبارح نضت فليل ودزت من حدا بيت بنتي قبل بعذا باش نقوليكم أنا أم ندي 39 عام بنتي مراهقة مهم نضت بغيت نشرب الماء مع ديك 2:30 ديال ليل كنسمع ضحك كضحك قلت انا يمكن غا كنتخايل شوية سمعتها كتهضر ولكن هضرتها ما واضحاش فاش قربت لباب حطيت ودني على لباب كنسمعها كتهضر فتيليفون يمكن appelle ولمصيبة وطامة الكبرى كتهضر بلكنة سعودية سمعتها كتقول ديك حبيبي ما حبيبي حليت عليها لباب قلت ليها مالك شكون معامن كتهضري قالت ليا لا هداك فيديو كاتفرج فيه ديال وحدا كانت كتهضر انا سمعت صوت ديال بنتي وزادت شككاتني فيها خفتها غي تكون مسيفطا تصاورها ولاشي حاجة بحال هاكا لشي واحد نصحوني كيفاش ندير نعرف أش مخبيا عليا عفاكم نصحوني