???? سلام عليكم ، انا مشكلتي مباغاش نشتت الشمل ونبقى جامعة الوليدات مع باهم والمشكلة نفسي عاافتو خاطري كرهو مبقيتش حملتو فوق طاقتي صابرة..
انا تزوجت هادي 20عام كانت عندي 19 بأول واحد جا خطبني غير عكس فواليديا مخلاونيش نكمل قرايتي برة، المهم كان كبر مني بتسع سنين عندو 28 وعايش فاروبا ، المهم كانو فوارق كبيرة بزااف بيناتنا وكنت كنقنع راسي انني غادي نبدلو للاحسن المهم الصدمات
**اولا النضافة الشخصية سيد باقي شاب و فاروبا و مكيغسل سنانو ،مكيدير مزيل العرق، مكينقي ودنيه، مكيمشي يحسن شعرو قبل ما يغوفل.....
شريتلو كلشي وعييت نهضر ونصح والو حتى كيبغي العلاقة عاد كيدير هاد الشي
** شخصيتو ضعيفة بزاااف وكيحشم من بنادم ومكيعرف لا يفرض راسو ولا يحامي على راسو
** والمصيبة الكبرى كيعاود اسرارنا والشادة والفادة لخوتو ويوصل الهضرة وبودينة وكيحرشوه
**ولي جابتلي التمام طماع وعينو على فلوسي انا دخلت نخدم باش نفرش مزيان الدار لي كاريين ونتولها وهوا دايرلي التابعة عطيني ندفع لختي كونطرا عطيني نصيفط لخويا بغا سلف عطيني عطيني......
جلست مع راسي وقلت غلطة العمر درتها أويلي وفين لحت راسي دابا شنو المعمول ؟ غادي نطلق دارنا غادي يقلولي رجعي للمغرب ونا داك الضغط ديالهم كرهني فيهم مبغيتش وايلا كنت مطلقة غادي يطمعو فيا ايوا كمدتها وصبرت وكنحاول نقنع راسي نكمل وهادا زهري نتقبل ونكمل
وبالفعل ولدت ولدي الأول وبنتي.. ودازت الأعوام وللاسف لي كيكون كابر عوج ميتقادش وليت كنمشي للمغرب كنحشم ومكنرضاش حدا خوتي ديما مطيح بيا هوا حوايج نقيين وبارفان و جلسة بالعقل و يعرفو يضحكو وهوا لالباس لا كريزما لا شخصية... المهم سنين زواج مدرت والو حيت الخدمة لي كنت بديت حبست ملي شفتو طامع فيا وخليتو خدام بوحدو وحتى دار مشارينها علاش ؟ حيت نسيت مقتلكمش انه فوق داك الشئ مكيقادش امورو القانونية غير مدرم يعني تساليلو لاصيرونص وميقطعش ، يحط طموبيل فلبلايص الممنوعة ، يمشي بسرعة... المهم غارق غرامات مع الدولة وميمكلناش نشري حتى برطمة ديما فالكرا
المهم بابا كان عاون خوتي بشي فلوس ونا نحيح عليه قتلو وانا ماشي بنتك ؟ولصقتو حتى خديت لفلوس وشريت برطمة صغيرة فوسط مدينتي فالمغرب ،السيد هوا يهبل بغا يموووووووووت بالغيرة جهل ولا بحال لمسطي كيقولي ان وصلت خمسين ومعندي والو ونتي بدارك وباباك لاباس عليه غادي يخليلك لفلوس..... وكملها هز فراشو كيبات فالصالة وقطع الهضرة والفراش والجلسة معانا فالطبلة ...
ايوا بهاد التصرفات تفركعت عليه ومبقاش بيناتنا حتى الاحترام قتلو
(رضيت بالهم والهم مرضا بيا مفيك نقا ،متعرف تهضر ولا تلبس عمري حسيت بيك راجل وفكتافي دمدومة وكيمشيوك خوتك ويحرشوك وتخرج اسرارنا ومدرتي لولادي مستقبل ، ومغاديش قانوني ومكتخلصش الغرامات للدولة وسنين ديال لكرا ودابا بوجهك حمر قاطع الهضرة ومتجلسش معانا... زعما غادي نحسو بالنقص وااااااا المكلخ لوليدات مخاصهمش يشوفو هاد التصرفات وهوما فسن المراهقة اما انا عارفاك طماع وجاتك الغيرة ووووو...) المهم قتلو كلشي فوجهو تراكمات ديال سنين.
وزاد بابا عطا لخوتي 15مليون و لصقتو واعطاني حتى انا ناض هاد المصيبة ،غلطة العمر لي مزوجة بيه مشا هز كريدي بلا شواري وتزير وملقاش باش يخلصو ولفلوس طارت من يديه غير فالخوا صلح طموبيلتو ، ركب لاكليم فالدار، شرا شي تخربيق للدار ترية طابلة.... المهم خسر لفلوس لي هز كريدي ودابا ملي كيقطعولو من المانضة كتبقى غير شي حاجة قليلة ولقيت راسي كما ديما انا لي كنصرف وكنتقدا باش ولادي ياكلو ويلبسو ويديرو رياضة....
المهم كل شهر كنجبد وكنخسر
وليت كنتعصب بزااااااااف و كنغوت ونسب ونعاير والجو فالدار خايب وكرهتو واصلا فارقة عليه لفراش هادي كتر من عام يعني بحالا مطلقين كل واحد فبيت وقدام الناس مزوجين
دابا بسباب تصرفاتو ولا يبالي بحال شي حشرة كرهتو وعدفتو كيدرب دورة ويجي باغي زعمة يتصالح وهوا باغي غير العلاقة كنجري عليه ونسد عليا بيتي ،حاولت نسمح ولكن مقديتش سنين ونا صابرة حقة منطلقش ونخلي اللشمل مجموع وهوا غير مازايد فاغلاطو دابا اشمن ربح عندي لي كنخسر فلوسي فتقدية ؟ حيت سيد غير مسؤول ومكيفكرش بسبابو مبقيتش كيف كنت
كنت ديما لابسة و ماكية وبارفان لي يشوفني يقول هادي مخاصها خير ونا غير كنكابر دابا مليت هاد العيشة وسمحت فراسي و غلاضيت و خيابيت انا كنخاف الله ابدا واش نغلط ولا نعصى الله باش ربي يكتب عليا مكاتيب الخير ويحفضلي وليداتي اما كون كانت شي وحدة خرا كون تصاحبت
دابا حاسة براسي بحالي واقفة فوق حبل فجبل عااالي ماقادة نكمل مع هاد الراجل قهرني بتصرفاتو ، ماباغا طلاق يطمعو فيا كنقول خلي دراري مع باهم واخة راه مكيتسوقهم مكيحن فيهم غااا راه تما وصافي