???? دابا قريب 4 شهور وأنا مزوّج بوحدة عندها 19 عام، وأنا 37… بصراحة خديتها على الزّين ديالها والصغر،

ولكن بعد العرس فهمت باللي طيّحت راسي ف مصيبة.
البنت زوينة، آه، ولكن العقل الله يجيب… مازالة داير بحال شي بنيتة، غير ضحك وهبال، ماكتفهمش فالهضرة، وكلشي عندها لعب. تخيّلو معايا، الأب ديالي قال ليها واحد النهار: "جيبي ليا واحد الكاس ديال القهوة"، ردات عليه قدّام الناس:
"والله ما نجيبها ليك!" وبقات كتشد فكرشها بالضحك.

الضياف كيجيو ماكتعرفش كيفاش تستقبلهم بشي لياس ديال بيت النعاس و كتبقى جالسة وحالة رجليها بحالشي درّاي، وكتخربق فالهضرة بزاف حتى الناس ولاو كيسولوني: "آش هاد البرهوشة اللي خديتي؟"
الماكلة ما كطيبش النيفو زيرو. لا كوزينة، لا شقا فالدار، لا مسؤولية. واحد النهار عرضت على شي صحابي، الأم ديالي هي اللي طيّبات، وهي بقات ناعسة حتى للمغرب. وفاش ناضت، دخلات للكوزينة وقالت ليا: "كب ليا كاس ديال القهوة الحلوف!" وبدات تضحك بحال المجنونة.

والله حتى وليت قانط منها، كنخمم نرجّعها لدارهم ونسالي، ماقدرتش نكمّل حياتي مع وحدة بهاد العقليّة.

آش رأيكم خوتي؟ واش أنا غلطان شنو ندير ؟ عطيوني النصيحة الله يخليكم.