?? البنات ردّو البال مزيان من الكروبات، راه ما كاينش فيهم الثقة! دخلت واحد الكروب فالفيسبوك لي فيه غير البنات، قلت مع راسي غادي نستافد فهاد رمضان. ولكن صدمني الواقع!
قبل ما ندخل، هدرات معايا الادمين ديال الكروب، سولاتني على سميتي وشحال عندي ديال الوليدات، جاوبتها عادي بحال شي مرا بحالي بحالها. من بعد دخلت الكروب، لقيت الهضرة كلها على الدراري والجن*س، لا فائدة لا والو!
المهم، هاديك الادمين بقات تتصوني عليا فالليل، وانا كنت مع راجلي ما بغيتش نجاوب. ولكن بقات تتعاود تصيفط لي المساجات، حتى قالت لي: "إلى كنتي غاتنعسي مع راجلك، دوزي ليّا المكالمة نسمعكم!" واش تتخيلوا هاد الوقاحة؟!
دغيا ببلوكيتها وخرجت من الكروب، ولكن الصدمة الكبيرة هي أنها عطات نمرتي للرجال! بقاو يصونيوا عليا واحد ورا واحد، حتى راجلي شد التليفون، ولقى راجل تيهدر. قلب التليفون ولقى داك الشخص تيعرفني مزيان، وعارف حتى سميتي وقال ليه: "ياك عندك معاها جوج وليدات!"
راجلي تصدم، بدا كولو كيترعد، وتيشك، وبقى تيخاصمني، حتى ولو تيضرب راسو مع الحيط من الغضب. وانا تنحلف ليه وتنبكي، دوزت ليلة سوداء! حتى تفكرت أني وريتو الكروب، عاد فهم الحقيقة وبرد شوية.
بغيت نقول لهاديك الادمين "حسبي الله ونعم الوكيل فيك، كنتي غاتخرجي عليا وكنتي غاتفرقي ولادي على ماماهوم وباهم!"
نصيحة للبنات المزوجات: بعدو من الكروبات لي ما كتعرفوش شكون فيهم، خصوصا فـ واتساب، راه كاينين ناس خايبين باغيين يخربو البيوت!
من بريد الصفحة ?