دليل استعمال الحافلات الجديدة مع انطلاق الموسم الدراسي

السلام عليكم

غدا إن شاء الله غتبدا الدراسة، وبغيت نوجه ليكم بعض المعلومات المهمة 👇🏻

• 
  🚌 أولا: قطع التذكرة (الورقة)
  
  إلى طلعتي لطوبيس الجديد وغادي تخلص بورقة، خاصك تسكانيها:
  
  
  
  • يا إما في لاماشين لي كاينة من ورا ملي كتطلع
  
  
  • يا إما في واحد الآلة حدا باب الشيفور
  
  
  • يا إما تدخل لداخل حدا الباب الوسطاني وتسكانيها
  
  
  
  إلا ما تسكاناتش الورقة، راه بحال إلا ما قطعاتش، وخاصك دوز داك الكود بار في لاماشين (الكبيرة أو جوج الصغار).
  


• 
  💳 ثانيا: بطاقة الإخلاص
  
  لي عندو بطاقة إخلاص:
  
  
  
  • يحاول يسالي الصولد لي فيها
  
  
  • أو يقدر يستعملها غير فالحافلات القديمة
  
  
  
  الحافلات الجديدة ما خداماش فيهم بطاقة إخلاص.
  


• 
  🎓 ثالثا: بطاقة الطالب
  
  إلى عندك بطاقة الطالب:
  
  
  
  • ما تزاحمش مع لي كيقطعو بالفلوس
  
  
  • طلع ودوز لاكارط ديالك فداك الآلات لي كاينين (جوج)
  
  
  
  


• 
  🔔 رابعا: زر التوقف (STOP)
  
  غتلقاو واحد البوطونات فيهم STOP:
  
  
  
  • إلى كنتي غتهبط، رك عليه باش تعلم الشيفور
  
  
  • متضغطوش بزاف، غير هكداك، راه كتدير بحال صونيت
  
  
  
  


• 
  🚪 خامسا: النزول من الحافلة
  
  إلى كنتي جالس فالكرسيين اللور وبغيتي تهبط:
  
  
  
  • ما كاين لاش تجي للباب الوسطاني
  
  
  • كاين باب حداك، هبط منو
  
  
  
  


• 
  🎥 سادسا: الكاميرات
  
  غتلقاو كاميرات فالحافلة:
  
  
  
  • الكاميرات ديال دولة ومتصلة مباشرة مع ولاية الأمن
  
  
  • كل باب فيه كاميرا
  
  
  
  عفاكم ردو البال، ما يكون لا شغب لا تخريب، هد نوبة ما كاينش التساهل.
  


• 
  🔌 سابعا: شحن الهاتف
  
  كاين مكان شحن الهاتف، عفاكم حافظو عليه باش كلشي يستعملو.
  


• 
  🚶 ثامنا: الصعود للحافلة
  
  متزاحموش على الطوبيس، ديرو صف:
  
  
  
  • الرجال بوحدهم
  
  
  • العيالات بوحدهم
  
  
  
  بحال زبناء الخط رقم 6، هاد الطريقة مزيانة وكلشي كيطلع.
  


• 
  🤲 تاسعا: احترام الآخرين
  
  إلى شفتو:
  
  
  
  • سيدة كبيرة
  
  
  • شيخ
  
  
  • امرأة حامل
  
  
  • شخص مريض
  
  
  
  عفاكم عطيوهم فين يجلسو، ماشي شاب داير الموسيقى فودنيه وجالس، وراجل بعكازو واقف 🙏🏻
  


• 
  🧹 عاشرا: الحفاظ على الحافلة
  
  المرجو الحفاظ على الحافلة ديالكم:
  
  
  
  • ما ترميوش الزبل فيها
  
  
  • لي عندو شي زبل، يجمعو حتى يخرج ويرميه فالمكان المخصص
  
  
  
  بهاد الطريقة كتكون حافظتي على حافلتك لي كتستعملها يوميا.
  

شكرا لتعاونكم المستمر 🙏🏻