كيفاش تعاملي مع خطيبك في الهاتف

بما أنه بزاف ديال لبنات بغاوني نهضر على هاد الموضوع قررت لبي ليكم الطلب متنساوش تفاعلو


أولا : خاصك تعرفي المعنى الحقيقي ديال كلمة الخطوبة باش تعرفي تعاملي معاها
فترة الخطوبة ، هي ديك لحظة لي كتسبق زواج ، ولا كتكون على شكل وعد بالزواج
راه الخطوبة فترة مهمة بزاف في رحلة زواج، باش يكون زواج ناجح، خاص تكون فترة الخطوبة بعيدة على الكدوب، والتصنع والنفاق

كيفاش تعاملي مع خطيبك في الهاتف؟

كاينين قواعد خاصك تبعيها ملي تكوني كتهضري مع خطيبك في تليفون لي هي
خاص يكون صوتك مناسب للموضوع لي كتهضري فيه مع خطيبك.
إلا كان موضوع عام على الخدمة ، خاص يكون صوتك واضح، والا كانو لحظات رومانسيه خاص يكون صوتك هادئ

سمعي لخطيبك

خاصك تسمعي لهضرتو عامة سواء في الهاتف ، ولا قي في الواقع ضروري
حيت كيزعم باش يهضر معاك في كاع لحوايج ديالو، دكشي علاش خاصك تركزي مع كلامو
وتفهميه وتفاعلي معاه وتردي عليه وتجاوبي معاه

قولي لخطيبك كلام زوين

تعاملي مع خطيبك معاملة زوينة ومدحيه هادشي غادي يفرحو ، وخليه ديما يصوني عليك، باش يستمتع بكلامك الحلو ولكن متزيديش فيه بزاف، وتباني كتنافقي فيه ،
وحاولي كل مرة تمدحي فيه شي حاجة مختالفة ، مرة المظهر ديالو ، ولا تفكير ديالو ، ولهضرة ديالو

عاونيه باش يحل مشاكل ديالو

ملي يبدا يشكي عليك من المشاكل ديالو، خاص يكون عندك حل تقدميه ليه،
وخاصك حتى تفهمي الموقف ديالو، هادشي غادي يخلي علاقتكم قوية

عبري ليه على حبك

خاصك مرة مرة تعبري ليه على حبك وتفكريه ديما بنعمة لوجود ديالو في حياتك، وبلي زاد لمسات لحياتك من البهجة والسعادة.

رسلي ليه رسائل رومانسيه

وخاصك مرة مرة تفاجئيه برسائل رومانسيه ، راه عنصر المفاجأة كيخليه فرحان بزاف.
وحتى ألا شجعتيه يدير معاك نفس شيء ، وتعطيه أفكار يفرحك بيها ، وخصوصا دابا ولا كلشي ساهل عبر تطبيقات الهاتف

هضري ليه على نهارك

إلا هضرتي ليه على نهارك كيف داز، هادشي كيفرحو بزاف، وكيخليه يحس بالاهتمام والحب.
ولكن خاصك تختاري لوقت المناسب، لي يكون فيه مسالي.

تجنبي تخاصمي معاه في الهاتف

واش عارفة بلي تليفون مكيتستعملش باش يحل المشاكل، والخصام، دكشي كيبغي تناقشوه وجها لوجه في الواقع

كوني بسيطة

تصنع لأي واحد فيكم مغاديش يخليكم تفهمو شخصية بعضياتكم، وغادي تفرشو شي نهار
هضري بطبيعتك، بذوق راقي في التعامل، وصوت الهادئ.

فهمي شخصية خطيبك

باش تفهمي شخصية الخطيب ديالك خاصك تافقو على صراحة بيناتكم، وتسوليه أسئلة عميقة على حياتو
وتعرفي الهوايات المفظلة ، وكيفاش كيدوز وقت لفراغ، وشنو كيعرف على الأمور الدينية البسيطة.
مترديش وسوليه أي سؤال في دماغك، وشجعيه باش يجاوبك بصراحة

سوليه على راسو وعلى العائلة ديالو

من أنواع تقرب من خطيبك تسوليه على راسو وأحوالو المختلفة ، الصحية، والمهنية ، والعائلية
أي واحد كيبغي العائلة ديالو وكيبغي لي كيبغيهم، ويمكن ليك تسوليه على والديه ، وتسولي عليهم وعلى صحتهم ، وعلى خوتو حتى هوما.
ولكن بلا ميكون فضول منك ، بيني ليه انك غير باغا تسولي عليهم ، وتقربي منو

خليه يضحك معاك في المكالمة الهاتفية
رجال كيواجهو صعوبات كتيرة في يومهم، والعمل، وكيبغيو وسط هاد الصعوبات مكالمة خفيفة.
تخفف عليهم تعب اليوم، وخاصك تكوني عارفة هادشي، وتكون مكالمة ديالك ليه فيها ضحك، والخفة بحال شي نكتة متلا تكون كضحك، وتبادلو المواقف المضحكة مع بعضياتكم.

فتحي مواضيع مختلفة معاه
خاصك ديما تناقشي معاه مواضيع جديده ومختلفة
باش تفهمي شخصية ديالو، ويمكن ليك تسوليه على صحابو، وشكون هو صديق ديالو المفضل.
وسوليه حتى على الفلم المفضل عندو ، وعن نجمه المفضل، وعلى الماكلة لي كتعجبو
وعلى لبلايص لي كيفضلها ، وكيمشي ليها ملي كيكون مقلقل ، وكفاش كيدوز لويكاند. ولا سوليه على طومحات ديالو المستقبلية ، والمشروعات لي باغي يدير ، وكفاش كيخطط ليها.
مع تمنياتي للجميع بحياة زوجية سعيدة

لي عندها أي سؤال مرحبا في التعليق