قصتي مع بنت عمتي فالغابة كنا شوية نمشيو فيها...

اواا ياختشي اشنو انقول ليك انعاود ليكم واحد القصة على ذكر هاادو والغابة أنا ساكنة في النواحي ديال آسفي مشيت لآسفي عند بنت عمي ولدت وقلت لماما خليني حتال نهار السبوع ونمشي الدار مشات ماما وبقيت أنا دازو وااحد اليوماين وأنا نشد في لوست بنت عمي قلت ليها منهنا نمشيو لسيدي بوزيد وهوما ساكنين في إجناان قالت ليا تمشي قلت ليه اه قالت ليا ولاا عليك تسنااي نختارع لماما شي كدبة مشات عندها وخلاتنا نخرجو وقالت لينا متعطلووش المهم خرجنا معاا 19:18 غادين دقة دقة ومرة مرة كتقول ليا حركي رجليك باش نرجعو بكري دزنا من واحد الغابة مختصرة في التراب رطب وشووك وكبيرة مخرجنا منها غير بزز وصلنا لسيدي بوزيد معا 8 وشي حاجة قالت ليا نهبطو لتحت بقينا هابطين ونتصورو ودرووج كتاار تفوتي وحدين يخرجو ليك وحدين حتا قربنا لابلااج وقلت ليها لا منكملوش صاافي انرجعو واصلا قتلني العطش وتعطلنا والضلمة ضلامت وقربات 9 ديال ليل بقا ليها غير شوية قلت ليها مستحيل نرجع من هاد الدرووج شوفي لينا شي حل قالت ليا تبعيني بقينا غادين ختصرنا الطريق وخرجنا الشانطي وقربنا الغابة قلت ليها بلااتي وااش منيتك انرجعو من هناا اويلي واش كدحكي معايا قالت ليا الا مشينا معا الشانطي حتا التحت منوصلو حتاال 12 ديال ليل قلت ليها انا شدتني الرعدة اختي نديروها فيد الله وحنا داخلين لديك جهنم كنشوف واحد كالس في واحد الكوان تما حدا شانطي وحادينا وحنا داخلين قلت ليها نااري قفرناها واحد حادينا وكيدور من بلاصتو ابحدو جرتني ديك الساعة قالت ليا انرجعو الطريق الرئيسة وانا نقول ليها لا بدينا نكملو غادين نجريو صافي عطيناها الجرياان وشووك ولرض رطبة تكرفصنا شوية بدينا نشم ريحت الكارو قالت ليا صافي ليلة أيشرحوونا هنا اشداانا اعبااد الله انا برد ليا الماء في الركابي أول مرة نعرف الماء كبرد في الركابي وليت كلي كنترعد قلت ليها هاداك امكن عيط علا صحابو تلقااو لينا وقفنا قلت ليها الا لقونا نطلبوهم واصلا ايشوفونا ديرين الحجاب ايعرفونا بنات دارنا قالت ليا واش منيتك ايقولو ليك بنت داركم وخارجة فليل والله حتا يديرو لينا كيف دوك السفاحة معا حنا كنقراو القصص عارفين هادشي ايخرج علا حياتنا وليت كنفكر في عئيلتي وفي الدرية لي يلاه ولات استاذة انخرج ليها علا مستقبلها وهيا شاداني تجري وتجر فيا قالت ليا انا خيفة عليك كتر مخيفة علا راسي ونتي امانة عندنا وااا لبناات فاش عطاتنا ريحت لكاارو شفناا شوية بعيد علينا كينة رباعة ديال دراري انا فمي نشف والله القسم واحد الخوف واحد الإحساس خيب بزااااف شوفي قلت ليها اتمشي وتسكتي ونمشيو محنيين ولا ليوما يلقاو الجتث دياولنا كياكلوهم الكلاب مشينا غير فتناهم شوية وحنا نعطيوها الجرياان وشوية وحنا نسمعو مطوور من مورى موطور ولاكن الله معانا موقف علينا حتا وااحد غير وصلنا الدريبة وحنا نلقاو وااحد العرس قالت ليا يالاه نمشيو نشطحو شوية قلت ليها غير مني حفضنا الله راه بيخير عمري نخرج من دارنا وخاا نموت تما معا قربنا الدار وحنا لقاو قدامنا 3 كسكرانين وسالتين حوايجهم والقراعي في ليديهم جاب الله مشافوناش مشينا نجريو عرفتو منين قلبت الساعة لقيت 21:30 في المشياان درنا 1h وفي المجياان درنا نصف ساعة الخوف وميدير والله ديك اليلة منعستش بالخوف غير ربي شااف فينا درنا شي حسنة قبل